कानेपोखरीमा लिम्बुवानको भेटघाट कार्यक्रम सम्पन्न
२०७६।११।०५, बयरबन,
संघीय लोकतान्त्रिक राष्ट्रिय मञ्च तथा संघीय लिम्बुवान मञ्च, नेपाल कानेपोखरी गाउँ कार्य समितिको आयोजनामा मञ्चका प्रान्तीय उपमहासचिव तथा का.वा. मोरङ् इन्चार्ज दिल कुमार लावतीको प्रमुख आतिथ्यतामा पार्टी प्रवेश तथा भेटघाट कार्यक्रम कानेपोखरी बयरबनमा सम्पन्न भएको छ ।
मञ्चले गाउँ अधिवेशन, पार्टी क्रियासिल सदस्यता वितरण, प्रशिक्षण तथा पार्टीले आगामी गर्न लागेका विभिन्न चरणका कार्यक्रममा कानेपोखरीको सहभागिता रहने त्यस क्षेत्रका नेताहरुले प्रतिबद्धता व्यक्त गरेका छन् । कार्यक्रममा विभिन्न पार्टी परित्याग गरी देश बहादुर सार्की, शान्तादेवी माझी, नगेन्द्र कुमार लिम्बु र आशिष खतिवडा लिम्बुवान मञ्चमा प्रवेश गरेका छन् । प्रमुख अतिथिद्वारा साधारण सदस्यतापत्र प्रदान गरिएको उक्त कार्यक्रममा केन्द्रीय सदस्य थिर बहादुर लावती, मोरङ् जिल्ला अध्यक्ष दिलु लिङ्देन लावती, ब.उपाध्यक्ष जीवन खेवा, सचिव बरुण लाबुङ्, जि.स.स. चेतन माझी र दिलीप शेर्पाले मन्तव्य राख्नुभएको थियो । कार्यक्रम जिल्ला सचिव विशाल तिरुवाले संचालन गर्नुभएको थियो भने कानेपोखरी गाउँपालिका अध्यक्ष शेर बहादुर तुम्साले कार्यक्रमको सभाध्यक्षता गरेका थिए ।
( उपमहासचिब दिल कुमार लावतीको फेसबुकबाट )
Comments are closed.