युएईमा फुटबल प्रतियोगिता र नववर्ष कार्यक्रम

संघीय लिम्बुवान सामाजिक मञ्च, युएईले गत १९ अप्रैल, शुक्रबार दुबईको जाबील पार्कमा नयाँ वर्ष आगमन कार्यक्रम गरेको थियो। मन्च युएईका अध्यक्ष लासाङ निङलेकुको अध्यक्षतामा संचालन मञ्चका महासचिव बिक्रम पन्धाकले गरेका थिए। स्वागत मन्तव्य मन्चका प्रवक्ता लाजेहाङ निङलेकुले र शुभकामना मञ्चका सल्लाहकार राम योङहाङले दिएका थिए। कार्यक्रममा विभिन्न संघ संस्थाका प्रतिनिधिहरुको बाक्लो उपस्थिति थियो।

कार्यक्रममा विभिन्न नेपाली खानाका परिकारहरु साथै याक्थुंबा समुदायको प्रमुख धान नाच र च्याब्रुंग नाच समेत नाचेका थिए। खेलकुद अन्तर्गत हाँडीफोरमा सूर्य राई, छेलोमा बिकाश वनेम एवं डोरी तनाईमा विकास बनेम, छत्र वनेम र महेश्वर वनेम सहितको टिमले जित हासिल गरेको थियो। साथमा, भाग्य चिट्ठा पनि खुलाइएको थियो।

२०७५ चैत २ गते पान्थरको हिलिहाङ गाउँपालिकामा आगलागी भई घर पुरै जलेर नष्ट भएको पीडितहरुको निमित्त संकलित सहयोग रकम अध्यक्ष लासाङ निङलेकुको हातबाट हिलीहाङ निवासी सल्लाहकार राम योङहाङलाई हस्तान्तरण गरिएको थियो।

मुसलमानहरुको महान चाड रमादानरईदको अवसरमा सलिम समाज युएईले फुटबल प्रतियोगिताको आयोजना गर्‍यो। दुबई अलकोजको डलस्को फुटबल खेल मैदानमा जुन ६ र ७ तारिख सञ्चालित सो प्रतियोगितामा युएई भरिबाट जम्मा १७ वटा नेपाली फुटबल क्लबहरुले भाग लिएका थिए। प्रदेश नम्बर १ को नाम लिम्बुवान राखिनुपर्छ भनि मान्यता राख्ने विभिन्न संघ सस्थाका
प्रतिनिधि, समाजसेवी, शुभचिन्तक, खेलप्रेमी आदिको बाक्लो उपस्थितिको साथमा कार्यक्रम सम्पन्न भएको थियो। प्रथम हुने विजय टिम, लमजुङ फुटबल क्लबलाई १ लाख ५० हजार रुपैयाँसहित शिल्ड, प्रमाणपत्र, मेडलहरु साथै दोश्रो हुने हिपात फुटबल क्लबलाई १ लाख ५ हजार रुपैयाँ नगद पुरस्कार प्रदान गरेको थियो।