‘लिम्बुवान ,किरात ‘ स्थापनार्थ २१ वटा संगठनले संयुक्त आन्दोलन गर्ने

By federalnepal Last updated Feb 5, 2020

माघ २२ इटहरी , प्रदेश न .१ लाइ लिम्बुवान ,किरात नामाकरण गराउन २१ वटा संगठनहरुले संयुक्त मोर्चाबन्दी गरेका छन् | उक्त संगठनहरुले आज इटहरी मा पत्रकार सम्मेलन गरि लिम्बुवान ,किरात संयुक्त संघर्ष समितिको अबधारणा प्रेस -बिज्ञप्ति मार्फत सार्बजनिक गरेका छन् | प्रदेश न .१ संसद अधिबेशन शुरु हुने माघ २३ गते यस संघर्ष समितिले सभामुख र माननीय मुख्यमन्त्री लाइ ज्ञापन पत्र दिने ,त्यसपछि आन्दोलनको नया कार्यक्रमहरु अघि बढाउने ,प्रदेश ३ र ४ मा जस्तो प्रदेस १ मा नझुक्ने सामुहिक प्रतिबद्दता गरेका छन् |

लिम्बुवान, किरात संयुक्त संघर्ष समिति प्रेस बिज्ञप्ति मिति२०७६।१०।२२ गते

पहिचानमा आधारित प्रदेशहरुको निर्माण गर्न संविधानसभाको विषयगत समिति र राज्यपुनःसंरचना उच्चस्तरीय आयोगबाट सिफारिस भए बमोजिमका प्रदेशहरु सुनिश्चित हुनुपर्ने थियो तर सोको मर्मविपरित ७ प्रदेशको घोषणा गरियो । प्रदेशहरुको नामाकरण गर्ने सन्दर्भमा उत्पीडनकारी औपनिवेशिक एवम् सामन्ती केन्द्रीकृत एकात्मकवादी चिन्तनका धङ्धङीहरु झल्कने गरी पञ्चायती शैलीमा जबरजस्ती ढंगले गण्डकी, बागमती लगायत नामहरु राखिएको छ त्यस प्रति हामी खेद व्यक्त गर्दै विरोध गर्दछौँ । ऐतिहासिक पृष्ठभूमि एवम् पहिचानका आधारमा लिम्बुवान,किरात प्रदेश प्राप्तिका लागि हाम्रो आन्दोलन जारी रहेको कुरा अवगत गराउँदछौँ ।

वर्तमान प्रदेश नं. १ को भौगोलिक अवस्था, सामाजिक, सांस्कृतिक, ऐतिहासिक एवम् पहिचानको आधारमा लिम्बुवान, किरात स्वायत्त प्रदेश प्राप्तिका लागि उठेका राजनीतिक आन्दोलनहरु, विगतमा नेपाल सरकारसँग पटकपटक भएका सहमतिहरु र सातसालको क्रान्ति हुदै जनयुद्ध, जनआन्दोलन, मधेश आन्दोलन, आदिवासी जनजाति आन्दोलन, लिम्बुवान, किरात आन्दोलनले स्थापित गरेका मुद्दाहरुलाई मध्यनजर गर्दै अहिलेलाई संयुक्त पहिचानको आधारमा ‘लिम्बुवान, किरात’ नाम राख्नुपर्दछ भन्ने धारणा पुनः दोहोयाउँदछौँ । प्रदेश नं. १ को अधिवेशन शुरु हुन गइरहेको समय र सन्दर्भमा उपरोक्त धारणालाई पुनः दोहोयाउँदै सम्मानित प्रदेश सभा, माननीय प्रदेश सभा सदस्यहरु, प्रदेश सरकार र राजनीतिक दलहरुलाई माग सम्बोधनको लागि हामी हार्दिक अपील गर्दछौँ ।

कार्यक्रमहरु :-

१ ) ज्ञापनपत्र बुझाउने २ ) जिल्ला संयुक्त संघर्ष समितिहरु गठन गर्ने ३ ) जनमत सिर्जनाको लागि अन्तर्कृया गर्ने ४ )खबरदारी कोणसभा गर्ने ५ ) आवस्यकता अनुसार आन्दोलनको कार्यक्रम ससक्त गरि बढाउने

लिम्बुवान, किरात संयुक्त संघर्ष समितिका घटक संगठनहरु :-

१, नेकपा सम्बद्ध लिम्बुवान राष्ट्रिय मोर्चा, नेपाल संयोजक मुक्सामहाङ मेन्याङबो

२, समाजवादी पार्टी, लिम्बुवान राष्ट्रिय समिति अध्यक्ष खगेन्द्र माखिम

३, संघीय लोकतान्त्रिक राष्ट्रिय मञ्च–संघीय लिम्बुवान मञ्च, नेपाल अध्यक्ष कुमार लिङ्देन मिराक

४, नेकपा सम्बंद्द किराती रास्ट्रीय मुक्ति मोर्चा, नेपाल अध्यक्ष राजन किराती

५, किरात याक्खा छुम्मा अध्यक्ष लिला रोगु